في مقلات نضع القليل من الزيت و نضع عليه حبة البصل مبشورة و الثوم و نخيهم يتقلاو مليح ثم نزيد التوابل... و نضع الطماطم المبشورة و الماء و أوراق الرند و ننقص على النار و نخلي الخليط يطيب مليح حتى نتحصل على صوص ثقيلة شويا و نطفي النار

الآن العجينة: نضع السوائل و نضيف لهم السكر و الخميرة الكيمياىية و خميرة الخبز و الزيت و الحليب و مخلط جيدا نتركها مدة 15 دقيقة ثم نضيف الملح و نضع الفرينة بالتدريج حتى الحصول على عجينة صلبة و لاكن تلتصق قيلا ثم ندلكها جيدا مع إضافة زيت الزيتون عند دلكها حتى الحصول على عجينة ملساء نقسمها الى كريات نتركها ترتاح ساعة او اكثر

الآن نشعل الفرن يسخن على نار متوسطة ثم نبدأ في تحضير البيتزا، ندهن الصينية بالزيت و نرش فوقها القليل من الفرينة و نضع كرة العجينة ونشكلها و نضع فوقها الطماطم و نزينها اختياريا ملاحظة الي يحب يحشيها في الجوانب بالجبن ممكن أيضا

ندخلها الفرن لمدة 20 د تقريبا و عندما تطيب نضع فوقها زيت التونة او زيت الزيتون و نقدمها مع مايونيز و هريسة و شهية طيبة لكم جميعا😊 نتمنى تجربوها و الله بنينة بزاف