إفتح في تطبيق كوكبادالخطوات
- 1
نضع في جفنة السميد والملح مع الماء نخلوه يشرب 5 دقايق امبعد نضيفو الفرينة بشوية و ندلكو دلك خفيف حتى تتلم و تولي عجينة طرية و خفيفة
- 2
بعدها ندهنها بشوية زيت و نحطها داخل صاشي نكونو غطسناه في ماء سخون و نربطها و نحطها في كوكوطة و نغلقها والكوكوطة نحطها فوق طاوة فيها ماء سخووون و نخليها تبات ليلة كاملة
- 3
في الصباح نحيها رايحة تكون عجينة طرية و تتكسل ندير الزيت في يدي و نشكلها كريات ندهنهم بالزيت و نغطيهم بكيس بلاستيكي مليح و نخليهم يرتاحو قيسما نحضر الحشو و يبرد ندهن طاولة العمل بالزيت و نحط كرية اللولة و نديرلها شوية زيت و نبدا نكسل فيها نمشي لعجينة مالوسط للاطراف و نكسل حتى تولي طاولة العمل تبان
- 4
نطبق وجهين نحط الحشو نزدي نطبق الوجهين المقابلين نحاول نكسلها بلعقل باه مايخرجش الحشو نرفدها و نحطها فالطاجينكي يبدا يطيب الوجه اللول ندير شوية زيت مالفوق و نقلبها تطيب مالجيهة لوخرة و نحركها خطرة على خطرة باه تطيب من جميع الجيهات.
Keywords
وصفات مشابهة
وصفات ننصحك بمشاهدتها
التعليقات (8)