بريوش محشي شكولا
إفتح في تطبيق كوكبادالخطوات
- 1
نبدا الله ونجيب حبة ليمون نبرشها ونحط م ك سكر عالمبشور ونخلطو مع المبشور مليح ونحتفظ بيه على جنب ونحضر العجينة نجيب ريسبسيون نحط فيها كاس حليب دافئ مع 3م ك سكر وم ك خميرة الخبز ونخلط مليح ثم نضيف كاس فرينة
- 2
نخلطو مليح ونغطيه بورق شفاف ونخليه يختمر بعد مااختمر نحي الورق الشفاف
- 3
نضيف عالخليط ربع كاس زيت وبياض بيضة ومبشور الليمونة لي حضرتو قبل ونخلط مليح ثم نبدا نضيف فالفرينة مع م ص ملح وم ص خميرة الحلوى
- 4
نخلط مليح ونبقا نضيف فالفرينة حتى نتحصل على عجينة طرية نلمها مليح ونغطيها ونخليها تختمر
- 5
بعد ذلك نحضر المولات ندهنهم بالزبدة ونرشهم بالفرينة ونحطهم في سينية وبعد ما اختمر العجينة نهبطلو الخمور ونرش طاولة العمل بالفرينة ونقسم العجينة تاعي الى كرات نوزنهم 75غ نتحصل على 10 كرات
- 6
نبدا نشكل البريوش تاعي نرش طاولة العمل ونحل الكرة الاولى ونحط م ص معمرة شكولا طلي بحرارة المطبخ ونلم ونشكلها كرة نحطها مباشرة فالمول حتى نكمل كامل الحبات
- 7
نخليهم يختمرو من جديد حتى يتضاعف حجمهم ونجيب صفار بيضة نضيفلو القليل من الحليب ونطلي الحبات بالبيض ثم نجيب كيس حلواني نحط فيه م ك شكولا الطلي ونشكل خطوط كيما فالصورة ونشعل الفرن مسبقا ونحطهم يطيبو من تحت ثم نشعل لهم من فوق
- 8
بعد ماطابو نخرجهم ونفرغهم من لي مول ونحطهم فوق لوح ونطليهم بمعجون مشمش
- 9
فالاخير شكل البريوش تاعي جاء خفيف وهايل يصلح اشهر رمضان السحور
الكوكسناب
Keywords
وصفات مشابهة
وصفات ننصحك بمشاهدتها
التعليقات (2)