كباب شرقاوى مصري 🇪🇬
غدا ممكن تتاكل لوحدها او برز بالشعيرية
إفتح في تطبيق كوكبادالخطوات
- 1
اول حاجة اغسلى الرز كويس وسبيه ينشف خالص من الماء
بعد كده الطماطم شيلى منها ٢ او ٣ والباقى اعملى بيه صلصة متسبكة عادي - 2
الكباب
افرمى بصلة والخضرة في الكبة وبعدين اخلطيهم باللحمة كويس وبعدين ارجعى افرميهم ثاني في الكبة علشان اللحمة متلزقش معاكى وضيفى بقى التوابل حسبة الرغبة: ملح، فلفل اسود، كزبرة ناشفة، ثوم بودر - 3
اخلطى اللحمة في الرز كويس وبعد كده املئ الكبة بجزء من الخليط لو صغيرة ولو كبة كبيرة خدى مقادر كباية ونص واطحنيه وبعد كده حطيه على باقي اللحمة وصبعيها حجم متوسط متبقاش صغيرة زاى الكفتة العادية ومتبقاش كبيرة
- 4
هاتى حلة كبيرة بعد ما تخلصى الكمية كلها قطعى فيها بصلة والبطاطس والطماطم اللي اتشلت من الكيلو حلقات ورصيهم في الحلة من تحت البصل وبعدين بطاطس وبعدين طماطم وبعدين بطاطس ثاني وبعد كده رصى الكباب زاى ما بترصى محشي الكرنب (الملفوف)
- 5
هتجيبى الصلصة اللي اتسبكت وتزوديها ماء او شوربة لو موجودة واغليها ولما تغلى حطيها عالكباب لحد ماتغطيه كله من فوق زاى المحشى بس زودى ماء علشان الرز هيشرب ماء حطى الحلة على نار عالية لحد مايغلى وبعد كده وطى عليه وتابعيه كل شوية علشان ميتهريش فالنار والف هنا وشفا 😋
كلمات ذات صلة
وصفات مشابهة
وصفات ننصحك بمشاهدتها
التعليقات