فرخة محشية في الكيس الحراري احلي طعم واسهل طريقة لعزومات رمضان
فرخة محشية في الكيس الحراري احلي طعم واسهل طريقة لعزومات رمضان
إفتح في تطبيق كوكبادالخطوات
- 1
اول حاجه اغسلي الفرخه كويس🐔 بدقيق وانقعيها في مية وخل وعصير لمونه ومعلقة ملح حوالي ربع ساعه 📟
- 2
بعد كده طلعيها تتصفي وتكوني محضرة التتبيلة بتاعتها
بصلة مفرومة 🌰 و عليها ملح و فلفل ورشة بهارات وبابريكا
ادعكي بيها الفراخ كويس وفتحي كده بين اللحم والجلد وادعكي بالخلطة دي سيبيها علي مانعمل الرز - 3
افرمي بصلة 🌰 حوطيها في الحلة وعليها بهاراتك اللذيذة : ملح فلفل وبهارات و توم وبصل بودر ورشة بابريكا ورشة كاري وكركم وجنزبيل
وطبعا البهارات دي حسب مانتي بتحبي وحسب حجم الفرحه وكمية الرز بس منزودش اوي عشان الطعم يظبط - 4
شوحي بقا كل الكلام اللي فوق ده ع النار ولو عندك عود قرفة صحيح و واحدة لومي (ليمون مجفف) وقبل ماتحشي شيليهم
- 5
البصلة تدبل بس وريحة التوابل تطلع
حوطي عليهم كوباية الرز و شوحيه معاهم دقيقتين
بعدين حوطي كوباية مية وسبيها تغلي معاه ووطي النار لحد مايتشرب المية وبس كده اطفي عليه
عايزينه اقل من نص سوا كمان - 6
هاتي الفرخه بقا واحشيها بالرز اللي عملناه واقفليها كويس بخيط
او كتفي رجليها - 7
هاتي بقا الكيس الحراري وحوطي فيه معلقة دقيق وقلبيها فيه بحيث الكيس كله يتغلف بطبقه دقيق عشان الفراخ متلزقش فيه
- 8
حوطي الفرخه في الكيس واقفليه و بمقص او سكينة اعملي 3 فتحات كده في الكيس عشان ميفرقعش
فتحه صغيرة خالص اكنك بتخرمي الكيس بس - 9
حوطي الكيس اللي جواه الفرخه في صنية غويطة و والصنية دي حوطي فيها كوبايتين مية
و كل ما المية تتبخر حوطي مية تاني
وتابعيها في الفرن هتاخد حوالي ساعه ونص ل ساعتين بس تتابعيها كل نص ساعه - 10
طلعيها بالهنا والشفا 😘😘❤❤
كلمات ذات صلة
وصفات مشابهة
وصفات ننصحك بمشاهدتها
التعليقات (5)