تنظيف الحمام كتير منيح ونقعة

ان ننقع الأرز المصري لمدة نصف ساعة
وكل حمامة متوسطة الحجم او حجم كبير بتأخذ نص كاسة أرز

وضع الزيت والفلفل والتقليب لحتى تشمي ريحة الفلفل وبعدها اضافة البصلة المفرومة ناعم واضفة رشة السكر بعدها اضافة رشة ملح وإضافة ملعقة صغيرة من السبع بهارات او اقل او اكثر حسب كمية الأرز

بعدها اضافة الأرز وإضافة الكركم والفلفل الأسود رشة خفيفة وإضافة رشة القرفة وباقي الملح حسب الرغبة

تقليب الأرز فترة منيح يعني لحتى يتحمص شوي بعدها اضافة الماء وتكون نسبة الماء اقل من التسوية المعتادين عليها يعني مثلا كل كاسة أرز بتأخذ كاسة ونص مياه هون لا احنا بدنا نقلل نسبة الماء يعني يكون الأرز نص سوى

بعدها حشي الحمامة من الداخل وفتح المنطقة بين الصدر والجلد وحشيه وحشي الرقبة وتدخيل ارجل الحمامة بالفتحة اسفل الحمامة واهم شي ما تملي الحمامة أرز كتير عشان ما تنفجر معك بالسلق

السلق :
تسخين الماء لمرحلة ما قبل الغليان بشوي وإضافة ورق غار وبصله مقطعة اربع قطع وملح والمطيبات الي بتحبيها للشوربة وبعدها اضافة الحمام وتغطيته

مدة السوى تقريبا نصف ساعة او عشرين دقيقة يعني انتي بعد العشرين دقيقة شوفي وضعه كيف لانو من غاز لغاز يختلف بالسوى

بعد ما تم سواه بتشيليه مباشرة من المرقة وبتحطيه بصينية عشان يبرد شوي

مرحلة القلي عشان تطلعي بنفس اللون والشكل بتقلية بشوية زيت نباتي او سمن حسب الرغبة وصحة وهنا