نبدأ بسم الله ونقي كبد الدجاج ونغسلو مليح نحطو في كسكاس تقطر مليح ثم نجيب لوحة تقطيع ونقطع الكبد تاعي ونحطو في صحن

ثم نجيب مقلاة نحط فيها زيت ونحطها على النار ونخلي الزيت يسخن مليح ثم نضيف الكبد ونقليه مليح ونغطي المقلاة حتى يخرج كمية السائل لي فيه ثم نجيب سنات ثوم مرحيين نحطهم في الوسط ونحط الطماطم المصبرة

بعد ذلك نحط الملح والفلفل الاسود والكمون والعكري حلو ونقلي مليح مع بعض ثم نحط 2 ملعقة ك خل ونمرق بماء ساخن

نغطي عالكبدى ونخليها تطيب اي تستوي مليح حتى يثقال لاصوص تاعها ونطفي النار عليها

فالاخير نطفي عليها ونقدمها في صحن التقديم مع رشة معدنوس مقطع وشرائح ليمون جات بزااااف بنينة