نبدا بسم الله ونجيب طنجرة نحط فيها حبة بصل مرحية وسنات ثوم ونحط قطع لحم عجل او خروف ونحط معدنوس مقطع وملح وفلفل اسود وزنجبيل وراس الحانوت وم ك زيت ونحطها عالنار تتقلى

بعد ذلك نوجد لحم مفروم نكون متبلتو بنفس توابل المرق وربع صدر دجاج كذلك

نقلي المرق مليح ثم نمرق بالماء

بعد ذلك نضيف حبة بيض للحم المفروم وم ك ارطب خاص بالفريك ونخلطها مليح ثم نحط لوح تقطيع نرش عليه ارطب فريك ونشكل اللحم المفروم كريات اما بقية اللحم تاع الدجاج نشكلو على سطح اليد ونحط كرة صغيرة من اللحم المفروم كما فالصورة. ثم تغلقها وشكلها كرة كبيرة

نجيب ورق شفاف ونغلف كرات الدجاج واللحم المفروم ثم نحطهم في المنيوم ونضغط عليهم مليح ونجيب كسكاس نحط فيه الكرات تاعي ونحطهم يطيبو مليح على حمام مائي

بعد ماطابت الكفتة تاعي وثقال المرق نطفي عليها النار ونرجع لكرات الدجاج بعد ماطابو نحي ورق شفاف وورق المنيوم ونجيب مقلاة نحط فيه م ك زبدة وم ك زيت ونحطها عالنار ونحط كرات الدجاج يتحمرو عالجوانب

بعد ماحمرت كرات الدجاج واللحم المفروم نخليهم يبردو تماما ونقطعهم بسكين حاد كيما فالصورة ونجيب صحن التقديم نحط فيه فالحواف كرات الدجاج واللحم المقصوصة

فالاخير نقدم طبق الكفتة تاعي مع كرات الدجاج باللحم المفروم نزينها بالمعدنوس وشريحة ليمون