نبدا بسم الله ونجيب طنجرة نحط فيها قطعة دجاج نضيف عليها بصلة وسنات ثوم مرحيين ونضيف الملح والفلفل الاسود والزنجبيل وم ك زيت ونحطها عالنار تتقلى مليح ثم نحط 2حبات بطاطا يغليو فالماء حتى يطيبو بعد ماتقلى المرق نضيف كمية من الحمص ونقلي

بعد ماقليت مليح نمرق بالماء ونغطي ونخليها تطيب ونرجع في صحن نحط ربع صدر دجاج مرحي نضيف عليه سنة شوم مرحيين وم ص فلفل اسود ومعدنوس مقطع وم ص ملح ونخلط مليح

نشكل الدجاج تاعي الى كرات صغار ونقليهم مباشرة في مقلاة بها زيت ساخن حتى يتحمرو نحيهم في صحن

بعد ماطابت البطاطا نرحيهم وهيا سخونة لازم سخونة ونحط عليها صفار بيضة ورشة فلفل اسود وم ص ملح ونخلطها مليح و نخليها تبرد تماما

بعد ذلك نجيب صحن نحط فيه شابلير وصحن نحط فرينة فرينة وصحن نحط فيه بيض مخفوق مليح

نبدا نشكل البطاطا تاعي الى كرات نشكل ب3حبات ونحطهم فالفرينة نرمدهم مليح ثم فالبيض

ثم نمرمدهم فالشابلير ونحطهم في صحن نكون رشيتو بالشابلير حتى نكمل كامل الكمية ونحطو فالمجمد مدة 15د

بعد ماخرجتهم من المجمد نجيب مقلاة نحط فيها زيت تسخن مليح ونبدا نقلي حبات الخوخ نصب عليهم الزيت حتى ينقلو مليح

نحتفط بيهم بعد ماقليتهم فوق ورق ماص ونجيب الحبات لي بقاولي من دجاج المقلي ونشكلهم فالاعواد كما فالصورة مع حبو بطاطا صغيرة ونجيب صحن التقديم نحط فيه حبات الخوخ تاعي

نزين الصح تاعي كما فالصورة ونحط الحمص فالوسط ونحط الاعواد لي فيهم البطاطا والدجاج فالجوانب ونحط لحم الدجاج فوق الحمص بعد ماحمرتو ونصب وقت التقديم كمية من المرق فوق الحمص

الشكل النهائي لطاجين الخوخ التقليدي الجزائري جاء بزاااف بنين