نبدا بسم الله ونجيب جفنة نحط فيها الزبدة ونضيف السكر الناعم ونخلط حتى ترجع كريمة

نضيف الكاوكاو والبيضة والصفار ونحل ثم نبدا باضافة الفرينة. تدريجيا ونلم حتى نتحصل على عجينة طرية نوعا ما نغطيها ونخليها ترتاح ونحضر مول المهراس

نبدا نشكل كرة ونحطها فالمول ونشكلها على شكل المول حتى نكمل كامل الحبات نحطهم في سينية فرن ندخلهم يطيبو

بعد ماطابو نخرجهم من الفرن ونفرغهم من ليمول ثم نبدا نحضر الحشو نجيب كاكاو محمص. نقشرو ونرحيه وكاس فيتين وكابريس ذايبة

نجيب كابريس ذايبة ونحطها كطبقة من الأسفل حتى نكمل كامل الحبات ونرجع نجمع الحشو بشكولاطة االطلي حتى نتحصل على عجينة طرية

نجيب حبات المهراس ونعمرها بالحشو حتى نكمل كامل الكمية

فالاخير نحضر القناش تاعي نذوب الشكولا على حمام مائي ثم نفرغها في صحن وننضيفلها 4م ك كابريس ذايبة بالتدريج ونخلط

راح ترجع كتلة واحدة نبدا نضيفلها في ماء مغلي بالتدريج ونخلط مليح حتى نتحصل على ڨناش كما فالصورة نخليه يتماسك

نجيب كيس حلواني ونحط فيه لدوي شكل مسنن ونحط كمية من القناش ونعمر فوق الحشو كما فالصورة حتى نكمل كامل الحبات ثم نزينها بورق ذهب وباشكال مكتوب فيها عيد سعيد

فالاخير شكل حبات المهراس برستيج