نبدا بسم الله ونحضر عجينة الصابلي نحط في جفنة واسعة الزبدة ورشة ملح وم ك فانيلا والسكر الناعم و2صفلربيض وبيضة كاملة وم ك كاكاو بني ونخلط الكل باليد حتى نتحصل على كريمة ونبدا نضيف فالفرينة حتى نتحصل على عجينة نلمها ونخليها ترتاح

نبدا نطبع العجينة تاعي الى كيس بلاستيك ونجيب مول شكل قلب ونشكل الحبات تاعي وندخلها الفرن تطيب

بعد ذلك نشكل الكريمة لي نلصق بيها حبات الصابلي نحط في ريسبسيون 150غ زبدة و3م ك سكر ناعم وم ك كاكاو ونخلط بالباتور ثم نضيف م ك شكولا الطلي وم ك كاراميل ونواصل الخلط

نتحصل على كريمة لينة نعمرها في يوش ونبدا نشكل فالحبة كما فالصورة ونلصق حبة اخرى حتى نكمل كامل الحبات

نجيب كاس كاوكاو محمص ومرحي نخلطو مع كاس فيتين ونلمهم بشيكولا الطلي ونجيب مول شكل قلب ونحط كمية من الشكولا في القلب ثم نحط كمية من الحشو ونغلق بقليل من الشكولا ونحطها فالمجمد حتى نكمل

بعد ذلك نجيب حبات الصابلي بعد مالصقتهم بالكريمة ونحط نقطة من الشكولا ونحط القلب الصغير من فوق حتى يلصق ثم تذوب شكولا بالحليب على حمام مائي وزيدلها زيت ونحط كمية من الكاكاو محمص ومرحي خشين

نبدا نغلق حبات الصابلي بڨلاصاج روشي حتى نكمل كامل الحبات و نخليهم يشيحو ثم نزينها بورق ذهب ونحطها فالكيسات

الشكل النهائي لحبات الصابلي تاعي جاء تحفة