رولي الدجاج مقرمش
#المريول_العالمي #لحم مفروم #بصل
إفتح في تطبيق كوكبادالخطوات
- 1
نبدا بسم الله ونجيب نصف صدر دجاج نفرمه ناعم ثم نحط عليه بصل مرحي ونجيب طنجرة نحط فيها حبة بصل مرحية وقطع دجاج ونحط ملح ومعدنوس وكركم وفلفل اسود وزنجبيل وكاري دجاج وم ك زيت ونحطها عالنار ونحط حبة جزر نقطعها قطع صغيرة وشرائح زيتون اخضر
- 2
نرجع الدجاج تاعي نتبلو بنفس توابل المرق ونحط حبة بيض و2م ك شابلير ونخلط مليح
- 3
نبدا نشكل اللحم المفروم تاعي الى رولي نحل كمية من اللحم على ورق شفاف ونحط جبن طري ونلف ونشكلو حربوش ونغلق عليه مليح تحصلت على 2حربوش وباقي اللحم شكلتو صبيعات محشيين بالجبنة
- 4
نجيب كسكاس نحط فيه الرولي فوق الطنجرة وبعد مدة نضيفهم للمرق مع صبيعات الكفتة ونخليهم يطيبو مليح بعد ماطاب المرق نطفي عليه ونخرج الحربوش ونحيلو ورق شفاف ونخليه يبرد
- 5
نخرج الرولي تاعي ونجيب حبة بيض وصحن نحط فيه شابلير وصحن نحط فيه فرينة ونحط مقلاة فيها زيت عالنار نبدا نحط الحربوش فالفرينة نرمدو مليح ثم فالبيض ثم فالشابلير
- 6
بعد ذلك نحطو مباشرة فالزيت تكون سخونة على نار متوسطة ونحمرو مليح ثم نحط. في صحن لوقت التقديم
- 7
فالاخير نجيب صحن التقديم نحط الحربوش بعد ماقطعتو شرائح ونحط فالوسط صبيعات الكفتة مع المرق تاعي وزينتو بمعدنوس مقطع
الكوكسناب
Keywords
وصفات مشابهة
وصفات ننصحك بمشاهدتها
التعليقات