نبدا بسم الله ونحضر أولا ص سكر عادي وربع م ص خميرة الخبز ونجيب بلاندر نحط الخليط فيه ونضيف عليه كاس نصف ماء ونحطو يتخلط مليح حتى يرجع خليط سائل نفرغو مرة أخرى فالرسبييون ونحط عليه كاس وربع فرينة

نضيف الفرينة ونبدا نلم فالخليط تاعي نتحصل على خليط طري ندلكه حوالي 10د

نغطي العجينة بورق شفاف ونخليها ترتاح مدة 40 د او اكثر ونرجع نحضر الحشو نجيب نصف صدر دجاج نغسلو مليح ونجيب لوح تقطيع ونقطعو مربعات صغيرة ثم نجيب صحن نحط الدجاج ونضيف عليه الملح والفلفل الاسود والزنجبيل وتوابل الشاورما وم ك خل ونخلط مليح

نغطي الخليط بورق شفاف وندخلو الثلاجة ونرجع نحضر الخضروات نقطع حبة بصل مربعات صغيرة وحبة فلفل حلو مربعات وحار اختياري وحبة طماطم الى مربعات و2حبات بطاطا

بعد مارتاحت العجينة نحطها على سطح العمل وندلكها قليلا ثم لمساعدة الزيت نشكلها الى كرات متوسطة تحصلت على 8كرات نغطيها ونرجع نطيب الحشو بعد مارتاح نجيب مقلاة نحط فيها م ك زيت ونحط البصل يتقلى عالنار

بعد ماقليت البصل نضيف ونقلي الكل مليح ونغطي عليهم ونخليهم يطيبو ثم نرجع العجينة نحط القليل من الزيت ونحط الكرة الاولى ونبدا نحل فيها كيما المسمن ونطيبها في طاجين الحديد حتى نكمل كامل الكرات

نرجع الحشو ونضيفلو حبة الطماطم ونخليه يكمل طياب ونرجع في مقلاة اخرى نحط زيت ونقلي 2حبات بطاطا ونغطي العجينة تاعي بعد ماطابت بورق شفاف لوقت الاستعمال

بعد ماطاب الحشو نطفي عليه نرجع الان نطيب الطاكوس تاعي في نفس الطاجين ندهنو يزيدو ونحط ورقة من العجين نطويها كيما فالصورة ونحط عليها كمية من الجبن الطري ثم جبن مبشور

بعد ذلك نحط حبات بطاطا وكمية من اللحم ولازم تكون نار فوق متوسطة ونبدا نغلق ونلف كيما فالصورة ونغلق ونحتفظ بيه فالصحن وهك بنفس الطريقة حتى نكمل باقي الحبات

الشكل النهائي لطاكوس البسكري لي عمل ضجة كبيرة في مواقع التواصل الاجتماعي جربتو اليوم فعلا جاء هايل ومقرمش نتمنا تجربوه