نبدا بسم الله ونقطع ربع صدر دجاج الى مربعات صغيرة ثم نحط عليه ملح وفلفل اسود وزنجبيل وثوم بودرة وراس الحانوت ونخلط مليح ومن جهة اخرى نحط في كسرونة 2حبات بطاطا متوسطة الحجم ونضيف عليها ماء وملح ونحطها عالنار تغلي حتى تطيب

بعد ماطابت البطاطا نقشرها ونحطها في صحن ونجيب شوكة ونمعسها بيها ونحط عليها م ك زبدة ونبقا نمعس فيها حتى ترجع ناعمة ثم نجيب مول زجاجي ندهنو بالزبدة ونشكل البطاطا تاعي الى 6كرات ثم نشكل فيهم فتحات باليد فقط

بعد ذلك نجيب جبن طري ونحط في كل كرة قطعة جبن ومن جهة اخرى نجيب مقلاة نحط فيها القليل من الزيت ونحط الدجاج تاعي نقليه ثم نضيف عليه م ص عكري حلو ونخليه يتقلى حتى يتحمر ثم نطفي عليه النار

بعد ذلك نعمر الدجاج فوق كرات البطاطا والجبن ونجيب نفس المقلاة لي قليت فيها اللحم نحط فيها حبة طماطم نرحيها ونحطها عالنار تطيب مليح ونضيفلو القليل من الماء و نخليها تغلي مليح

فالاخير نحط صلصلة الطماطم فالاماكن الفارغة فالمول ونحط عليها جبن مبشور انا للأسف ماكانش متوفر وندخل الڨراتان الفرن يطيب من تحت ثم نشعلو من فوق ونخرجو ونقدمو كوجبة خفيفة للعشاء