ڨراتان البطاطا والدجاج فالفرن
إفتح في تطبيق كوكبادالخطوات
- 1
نبدا بسم الله ونجيب مقلاة نحط فيها م ك زيت وم ك زبدة نحطها عالنار تسخن ونضيف البصلة المرحية ثم نقليها مليح ونرحي نصف صدر دجاج فالاشوار
- 2
نضيف الدجاج المرحي على اسود وم ص عكري حلو ونقلي الكل مليح حتى يتحل الدجاج ونخليه يطيب مليح
- 3
بعد ماطاب نفرغو في صحن ثم نجيب حبة بطاطا كبيرة نقشرها ونغسلها مليح ونقطعها شرائح
- 4
بعد ذلك نحط البطاطا ونقليها فالزيت ثم نرجع نضيف عالدجاج الطايب 2حبات بيض وكمية من الجبن طري ونخلط الخليط مليح ثم نجيب مول فردي يدخل الفرن ندهنو بالزبدة ونفرش شرائح البطاطا فيهم دون ترك فراغات فالمول
- 5
نفرغ الخليط فوق البطاطا ونسويه مليح ونشعل الفرن وندخلهم يطيبو ثم نرجع نحضر الطبقة الاخيرة نجيب صحن نحط فيه حبة بيض وكمية مليحة من الجبن الطري ثم رشة ملح ورشة ثوم بودرة ونخلطها مليح
- 6
بعد ماطاب الڨراتان نشعلو من فوق يتحمر ونخرجو ونحط عليه طبق الجبن الاخيرة ونحط جبن مبشور ونعاود نرجعلها الفرن تتحمر من فوق
- 7
فالاخير نخرج الڨراتان من الفرن ونخليه يبرد ثم نقطعو شرائح ونقدمو انا قدمتو دون مرق وتقدرو تقدموه مع مرق ابيض مع الزيتون
الكوكسناب
Keywords
وصفات مشابهة
وصفات ننصحك بمشاهدتها
التعليقات (3)