نبدا بسم الله نجيب ريسبسيون نحط فيه كاس حليب دافئ مع كاس ماء دافئ ونضيف عليهم ربع كاس زيت وم ك سكر وم ك خميرة الخبز وم ص خميرة الحلوى ونخلط الكل مليح ثم نبدا نضيف فالفرينة و م ص ملح

نبدا نلم العجينة حتى نتحصل على عجينة طرية نحطها على سطح العمل ونضيفلها م ك زبدة وندخلها فالعجينة مليح

نلم العجينة ونغطيها ونخليها حوالي ساعة تختمر ونرجع نحضر الحشو نجيب ربع صدر دجاج نقطعو مكعبات صغيرة

نجيب مقلاة نحط فيها م ك زيت ونحطها عالنار ونحط اللحم فيها نحط عليه ملح وفلفل اسود وزنجبيل وكاري الدجاج ونخلي الدجاج تاعي يتقلى حتى يطيب ثم نرجع نقطع حبات البطاطا ونقليها في مقلاة اخرى

بعد ما اختمرت العجينة نحطها على سطح العمل نرشو بالفرينة ونقسمو الى كرات ونطفي عالدجاج ونحط. في صحن

بعد ذلك نرش سطح العمل بالفرينة ونحل الكرة الاولى رقيقة ونحط كمية من الصلصة

بعد ماحطيت الصلصة نحط كمية من الدجاج ثم بطاطا مقلية ثم كمية مليحة من الجبن الطري ثم جبن مبشور

نغلق الحبة آلى النصف ونغلق الطرف الاخر ونطوي الاطراف كنا فالصورة حتى نكمل كامل الكرات ونحط ورق الطهي في سينية فرن ونحط الساندويتشات تاعي ونطليهم صلصة طماطم وجبن مبشور ونحط حبات زيتون واذا كان متوفر معدنوس ونشعل الفرن يسخن من قبل ونحط الساندويتشات يطيبو

بعد ماطابو من تحت نحمرهم من فوق ونخرجهم ونغطيهم بطرشونة ونخليهم يبردو

فالاخير شكل الساندويتشات تاعي جاو بزااااف بنات وعجبنة خفيفة