نبدا بسم الله ونجيب راس شفلور نقطعو الى وردات ونغسلو مليح ونحطو في طنجرة ونحط عليه كمية من الماء وم ص ملح ونحطو عالنار يغلي حتى يطيب ثم نجيب طنجرة نحط فيها قطع دجاج من الصدر ونحط عليهم بصلة مرحية وسنات ثوم ثم نضيف عليهم التوابل والملح وم ك زيت ومعدنوس مقطع ونحطها عالنار تتقلى

بعد ماتقلات مليح نضيف م ك طماطم مصبرة ونقلي ثم نقشر حبة بطاطا ونقطعها الى قطع ونضيفلها للمرق ونمرق بالماء ونخليها تطيب مليح وبعد ماطابلي الشفلور نصفيه في كسكاس ونخليه يقطر مليح

بعد ذلك نجيب لوحةتقطيع ونمعس الشفلور بالشوكة مليح ثم نحطو في طنجرة واسعة ونجيب لحم تاعي بعد ماطاب نقتتو الى قطع رقيقة ثم نخرج حبة البطاطا

نرحي البطاطا بالشوكة حتى هيا ثم نضيف الدجاج المفتت والبطاطا على الشفلور ونحط عليهم كمية المرق لي بقاتلي لازم تكون مرق ثقيل نخلط الكل مليح فالطنجرة

نضيف كمية مليحة من الجبن الطري ونخلط مليح نجيب مول يدخل الفرن ونفرغ خليط الشفلور والدجاج نشويه مليح ونخلي كمية من صدر دجاج نفتتها من فوق ثم نحط جبن مبشور ونشعل الفرن وندخلو يطيب حتى ينشف من تحت ثم نشعلو من فوق يتحمر مليح ويذوب الجبن ونخرجو من الفرن ونخليه يبرد

فالاخير شكل الڨراتان تاعي جاي بنين يشهي قدمتو مع كسرة معجونة(رخسيس)