نبدا بسم الله ونجيب ريسبسيون نحط فيها 3صفاربيض وحبة بيض كاملة ونضيف م ص فانيلا ونحط كاس سكر ونخلط مليح حتى يبياض الخليط ثم نضيف نصف كاس زيت ونخلط مليح ونضيف كاس حليب ونخلط مليح

بعد ذلك نبدا نضيف النواشف نحط النشاء والنسكافي ونخلط مليح ثم نبدا نضيف الفرينة وخميرة الحلوى تدريجيا ونخلط ثم نجيب كيسات خاصة بالمادلان ونجيب سينية فرن ونفرغ م ك ونصف من الخليط فالكيسات ثم نحط حبيبات شكولا من فوق حتى نكمل كامل الكمية

نشعل الفرن وندخل المادلان يطيب من تحت ثم نشعللهم من فوق يتحمرو ونخرجهم ونخليهم يبردو ونحطهم في صحن التقديم