نبدا بسم الله ونجيب ريسبسيون نحط فيها 2بيض ورشة ملح ونصف كاس سكر ونخفق مليح ثم نضيف الفانيليا والزيت ونخفق مليح

نضيف الحليب دافئ ثم نضيف م ك مبشور الليمون وربع كاس عصير ليمون ونخلط الكل مليح ثم نضيف فالاول كاس فرينة وكيس خميرة الحلوى ونخلط

بعد ذلك نكمل باقي الفرينة ونخلط مليح ثم نجيب سينية فرن ندهنها بالزبدة ونرشها بالفرينة ونفرغ الخليط تاعي ثم نجيب حبيبات شكولا نرشها فوق الخليط وقطع من مربى الفراولة او قطع من الفراولة طازجة اذا توفرت ثم نشعل الفرن يسخن وندخلها تطيب من تحت

بعد ماطابت الكيكة من تحت نشعللها من فوق تتحمر ونخرجها ونخليها تبرد

فالاخير نقطعها مربعات ونقدمها لفطور الصباح