نبدا بسم الله ونجيب بقايا كيك نفتتها ونرحيها فالاشوار حتى تصبح ناعمة مليح ثم نحطها في صحن زجاجي نضيف عليها م ك شكولا الطلي

ثم نضيف م ك معجون المشمش ونلم بالحليب حتى تصبح عجينة ثم نجيب ورق شفاف نحلو على سطح العمل ونخبز فوقها عجينة الكيك

نغطي عليها بورق شفاف ونسويلها سطح مليح ثم نجيب ريسبسيون نحط فيه كاس شانتي مع كاس ماء بارد جدا ونخفقها مليح ثم نضيفلها م ص شكولا الطلي ونعاود نخفقها

بعد ذلك ننزع الورق الشفاف لي من فوق ونحط كمية من الشانتي نسويها مليح بالملعقة ثم نحط من فوق قطع من مربى الفراولة

بعد ذلك نلف الرولي تاعي ونشكلو حربوش وندخلو الثلاجة مدة 4سا حتى يتماسك مليح ثم نخرجو ونحطو فلصحن وننزع ورق شفاف

فالاخير نزينو طبقة من الكرام شانتي نسويها مليح بالسباتيلا ونزينها حبيبات شكولا ولوز ايفيلي وقطع من معجون الفراولة

الشكل النهائي لسويس رول