نبدا بسم الله ونجيب مقلاة نحط فيها كمية من الزيت ونحطها عالنار يسخن ثم نضيف نصف حبة بصل مقطعة رقيقة نقليها مليح ثم نقشر الباذنجان ونقطعو مربعات صغيرة ونضيفوها البصل بعد مايتقلى مليح ونضيف عليه ملح وسنات ثوم مرحيبن

بعد ذلك نوجد المرق تاعي نجيب طنجرة نحط فيها قطعة دجاج نضيف عليها نصف حبة البصل نرحيها ونحط ملح وفلفل اسود وكركم وراس الحانوت ونضيف م ك زيت ونحطها عالنار تتقلى ونطفي عالباذنجان بعد ماتقلى مليح ونجيب اشوار نقطع نصف صدر دجاج نرحيه فالاول ثم نضيف عليه البصل والباذنجان ونحط حبة بيض ومعدنوس مقطع ونرحي الكل مليح بعد ماترحاو مليح نفرغهم في طنجرة واسعة ونضيف عليهم الشابلير

نرجع للمرق بعد ماقليتو مليح نمرقو بالماء ونخليه يغلي ونرجع نشكل اللحم والباذنجان الى كرات كفتة ونضيفهم على المرق ونغلق ونخلي الكل يطيبو مليح

فالاخير نطفي النار بعد ماطابت ونقدمها في صحن التقديم ونزينها بمعدنوس مقطع وفلفل حار جات بزاااف بنينة و مافيهاش طمع الباذنجان خصوصا لاولادها مايكلوهش