نبدا بسم الله ونحط في جفنة الزبدة ورشة ملح والسكر التاعم ونخفق ثم نحط 2صفار بيض وبيضة كاملة ونواصل الخفق ثم نضيف كاس كاوكاو محمص ومرحي رقيق ونخلطو

بعد ذلك نضيف النشاء ونواصل الخفق ونبدا بالإضافة الفرينة وخميرة الحلوى ونخلط مليح حتى تتلم العجينة

نشكل العجينة كرات وزن 20غ ثم نحضر الحشو نحط 2كاس كاكاو محمص ومرحي رقيق مع 4م ك جوز و4م ك لوز مرحي ونضيف عليهم م ك ماء زهر و2م ك معجون المشمش ونلم الحشو

بعد ذلك نوجد كمية من الكاكاو محمص ومرحي متوسط وبياض البيض تاعي ونكور الحشو 7غ ثم نبسط كرة العجينة على اليد ونحط في وسطها كرة من الحشو ونغلق حتى نكمل كامل الحبات ثم نغطس كل كرة فالبياض ونحطها فالكاكاو ونخرجها ونحطها فوق ورق طهي في سينية الفرن حتى نكمل كامل الحبات ثم نرشق حبة كاكاو في كل حبة حلوى ونشعل الفرن يسخن ونطيب الحلوى تاعي من أسفل ثم نشعل لها من فوق

بعد ذلك نوجد عسيلة نغطس حبات القاطو فالعسل ونخرجهم ونخليهم يقطرو ونخطهم في كيسات

فالاخير شكل قاطو المشوك بحشو البقلاوة جاو هايل ويذوب فالفم