نبدا بسم الله ونجيب جفنة نحط فيها 250غ زبدة ورشة ملح ونصف كاس سكر ناعم وبيضة كاملة وصفار بيضة ونخلط بالخلاط الكهربائي ثم نضيف ربع كاس زيت تدريجيا ونواصل الخلط ثم نحط نصف كاس نشاء

نخلط الكل مليح ونبدا نضيف فالفرينة وكيس خميرة الحلوى ونخلط ونبقا نضيف فالفرينة حتى نتحصل على عجينة ايبس من تاع الصابلي

بعد ذلك نجيب سينة تدخل الفرن نفرشها بورق طهي ونجيب سكرفاج ونبدا نسكرفج العجينة تاعي كاملة على كامل سطح السينية ثم نرش عليها حبات من الكاوكاو محمص ونكسرو خشن ونشعل الفرن ونخليه يسخن وندخلو يطيب مليح

بعد ذلك نحضر الطبقة الثانية نجيب كسرونة نحط فيها كاس عسل و125غ زبدة وعلبة شكولا بالحليب و50غ شكولا سوداء ونحطهم عالنار يذوبو ونضيفلهم كاس كاوكاو محمص ومكسر خشين ونخلطو مليح ثم نخرج القاطو تاعي من الفرن ونخلي الخليط يبدفا

فالاخير نصب الخليط على طبقة الصابلي ونسويه مليح كما فالصورة وندخلو الثلاجة مدة 2سا او اكثر

فالاخير نقطع حبات الصابلي تاعي مربعات ونحطو فالكيسات