نبدا بسم الله ونجيب رسبسيانون نحط فيها حبة بيض ورشة ملح وم ك فانيلا ونصف كاس سكر ونخفق مليح ثم نجيب كسرونة نحط فيها 2م ك سكر ونحطها على نار هادئة حتى تصبح كرميل

بعد ماذاب السكر تماما نضيف 2كاس ماء وكاس سكر ونزيد للنار ونبقا نحرك حتى يذوب تماما نحسبلها 10د بعد الغليان ونطفي ونحط عصير نصف حبة ليمون

بعد ماخفقت البيض والسكر مليح نضيف الزيت على شكل خيط ونواصل الخفق ثم نبدا نحط البسكويت والكاوكاو المرحي ونخلط بسباتيلا مليح حتى نتحصل على خليط

نضيفلو نصف كاس ماء ساخن ونخلط مليح ثم نضيف ربع كاس فرينة وربع كاس شابلير وكيس ونصف خميرة الحلوى ونخلط الكل مليح نجيب سينية ندهنها بالزيدة ونرشها بالفرينة

نفرغ الخليط تاعي مباشرة فالسينية ونشعل الفرن مسبقا وندخل الحلوى تاعي تطيب من تحت حتى تنشف ثم نشعللها من فوق تأخذ لون ذهبي محمر ونخرجها

بعد ماخرجت الحلوى نقوم بسقيبها بشاربات ونخليها تتعسل ثم نرشها بكمية الكاوكاو المتبقية

نقص الحلوى الى مربعات ونحطها في كيسات ورقية تقدم مع عصير او شاي