نبدا بسم الله ونحضر الدجاج تاعي نقوم برحي نصف صدر دجاج ونحط عليه سنات ثوم وملح وفلفل اسود وزنجبيل وعكري حلو ونخلط الكل مليح ونحط كاس ارز يغلي فالماء والملح حتى يطيب مليح ونصفيه ونخليه فالكسكاس ثم نجيب ريسبسيون واسعة ونخلط الدجاج المرحي مع الأرز ونحط عليه حبة بيض وم ك زبدة ونخلط مليح حتى نتحصل على عجينة

نبدا نشكل الكروكات كرات ونحط في كل كرة قطعة من جبن للشيدار ونغلق ونشكلهم حبات ونحتفظ بيهم فالمجمد

بعد ذلك نجيب نحضر المرق تاعي نجيب طنجرة نحط فيها كويس دجاج ونحط عليه بصل وثوم مرحي ونقطع كمية من المعدنوس ونحط ملح وفلفل اسود وزنجبيل وم ص عكري حلو وم ك زيت ونحطها تتقلى عالنار ونحط كمية من الزيتون تغلي عالنار حتى تنقصلو الملوحة

بعد ماقليت المرق مليح نضيف عليه الزيتون ونقلي مليح ونمرق بالماء ونغلق ونخليها تطيب ثم نوجد بيض وخبز محمص ومرحي وفرينة ونبدا نحط فالكرات تاع الكروكات فالفرينة أولا

ثم فالبيض وبغد ذلك فالخبز المحمص المرحي ونحطها في مقلاة بيها زيت ساخن ونقلي الكروكات تاعي

بعد ماقليتهم نحطهم فوق ورق ماص ونخرج الكويس بعد ماطاب من المرق ونقليه فالزيت حتى يتحمر مليح ثم نجيب صحن واسع نحط فيه الكروكات عالجوانب والكويس فالوسط

فالاخير نحط كمية من الزيتون الاخضر والمرق فالوسط ونزين بمعدنوس مقطع وشريحة ليمون