نبدا بسم الله ونجيب نصف صدر دجاج نقطعو مربعات ونجيب حبة فلفل حلو نغسلو مليح ثم نوجد ارز نحطو في ماء يغلي حتى يطيب مليح مع م ص ملح

بعد ماطاب نصفيه في كسكاس ونخليه ثم نرحي دجاج تاعي ونحطو في صحن نضيف عليه م ص ملح وم ص فلفل اسود وم ص عكري حلو وسنات ثوم مرحيبن ثم نضيف الأرز عالدجاج ونحط عليه حبة بيض كبيرة

بعد ماضفت البيض نعجن الخليط مليح ونجيب حبة الفلفل نقوم بحشوها من الداخل حتى نعمرها مليح ونحطها في سينية فرن مدهونة بالزيت ونشعل الفرن يسخن وندخل الفلفل يطيب

بعد ماطاب خرجتلو من الفرن وقلبتو على كامل الجهات حتى تشوا مليح من جهة اخرى نجيب مقلاة نحطها فيها م ك زيت ونحط كمية من صلصة الطماطم ونحطها عالنار ونضيف لها كرات من دجاج مفروم كنت قليتهم من قبل

فالاخير نجيب صحن التقديم ونحط الصلصة فالافل ثم نحط حبة الفلفل الحلو بعد ماكانا قشرناه ونحط حبات الكفتة فالجوانب ونقدمو ويقطع الى شرائح ويقدم