نبدا بسم الله ونجيب طنجرة ضغط نحط فيها 4م ك ملوخية خضراء ونضيف عليهم 4م ك زيت ونخلط مليح حتى الخليط كما فالصورة ثم نجيب كمية من كوطليط غنمي نحطو فالطنجرة ونضيف الملح والفلفل الاسود والثوم مرحي وراس الحانوت ونحطها عالنار تتقلى مليح ثم نضيف عليها حبة طماطم صغيرة

نجيب كمية مليحة من الماء يكون يغلي ونصبو مباشرة عالملوخية ونخليها تغلي ونغلق طنجرة الضغط لتسريع عملية الطهي ونقص النار و نخليها تطيب بعد مافاتت حوالي ساعة نفتح الطنجرة ونحط 2حبات فلفل حار ونعاود نخليها تطيب دون غلق الطنجرة ونرجعو النار متوسطة بدل الهادئة

بعد ذلك نفتح عليها نلقاها نقصت من الماء والكوطليط طابلي مليح نعاود نقص عليها النار و نخليها تخرج كمية الزيت

فالاخير نطبق الملوخية تاعي في صحن التقديم مع كسرة مطلوع