نبدا بسم الله ونجيب ربع صدر دجاج نقطعو مربعات صغيرة ونجيب سنات ثوم ونصف حبة بصل نقطعها مربعات صغيرة او نرحيها ثم نجيب مقلاة نحط فيها م ك زيت ونحطها على نار هادئة ونخليها تذبل

بعد ذلك نحط قطع الدجاج ونحط ملح وسنات ثوم وراس الحانوت وفلفل اسود ونقليهم مليح ثم نحط ملعقة طماطم مصبرة ونقليهم مليح

بعد ذلك نحط 2حبات طماطم مرحية انا كانت عندي مجمدة حطيتها مباشرة نقلي مليح ونضيف فالاول كاس ماء ونغطي ونخلي الدجاج يطيب ثم نجيب كمية من المعكرونة نغليها فالماء والملح ونصفيها ونحطها في كسكاس

بعد مانشف الماء نزيد حوالي كاس آخر وحبة فلفل حار ونخلي الكل يطيب ثم نحط مباشرة المعكرونة تاعي فالصلصة ونقلبها مليح

بعد ماطابت مليح نحط كمية مليحة من جبن مورتازيلا ونغطي ونخليه يذوب تماما ونطفي النار

فالاخير نجيب صحن تقديم ونحط فيه المعكرونة وقطع الدجاج ونحط فلفل الحار ونزين بورقات معدنوس او معدنوس مقطع