نبدا بسم الله ونجيب الباذنجان والطماطم نغسلهم مليح ثم نقشر حبة الباذنجان ونقطعها الى مربعات متوسطة نحطهم في صحن زجاجي

نضيف كمية من الماء عالباذنجان ونحط عليه م ص ملح و2م ك خل ابيض ونغطي عليه ونخليه ثم نرجع في اشوار نرحي نصف صدر دجاج

بعد ذلك نقشر البطاطا ونوجد الطماطم ثم نجيب طاجين مغربي نحطو على نار هادئة ونحط عليه 3م ك زيت ونضيف البصل المقطع مربعات صغيرة ونحط عليها رشة ملح ونغطيها ونخليها حتى تذبل ثم نضيف عليها نصف صدر الدجاج

بعد ذلك نرحي الطماطم فالاشوار ونضيفها على خليط الدجاج ونقليها مليح ثم نمرق فالاول ب2كاس ماء ونغطي ونخليه يطيب

بعد ذلك نقطر في كسكاس الباذنجان تاعي من الماء ثم نجيب مقلاة نحط فيها زيت ونقلي البطاطا أولا ثم الباذنجان

بعد مرور وقت نشوف الطاجين تاعي ونزيد 2كاس ماء و2حبات فلفل حار ونخليه يكمل طياب ونحط البطاطا المقلية في صحن والباذنجان في كسكاس يقطر من الزيت

فالاخير نحط الباذنجان والبطاطا المقلية عالصلصة تاعي ونخليها تتشرب مليح ثم نحط معدنوس مقطع وجبن مبشور ونغطي ونخلي الجبن يذوب تماما ونقدمو كوجبة صيفية سهلة التحضير والكمية المتبقية من الڨراتان نحطها فالفرن تطيب