نبدا بسم الله ونحضر الحشو تاعي نجيب مقلاة نحط فيها م ك زيت ونحط حبة مقطعة مربعات رقيقة ثم نحضر الفلفل الحلو والحار ونقطعهم مربعات صغار ونحضر كمية من اللحم المفروم

نقلي البصل مليح حتى يذبل ونضيف عليه الفلفل المقطع ونحط عليهم ملح ونخليهم يذبلو ثم نضيف اللحم المفروم ونحط فلفل اسود وراس الحانوت ونقلي الكل

نقلي اللحم المفروم ونخليه يطيب مليح ثم نفرغو بعد ماطاب في صحن ونقلي 2حبات بطاطا

الان نرجع نحضر العجينة. تاعي نحط في ريسبسيون كاس حليب دافئ ونضيف عليه م ك سكر وم ك خميرة الخبز ونخلط مليح ثم نضيف 4م ك زيت وبياض بيضة ونخلط جيدا ونبدا نضيف فالاول 2كاس فرينة بيضاء مع م ص ملح ونلم ثم نضيف كاس فرينة القمح الكامل ونخلط

نلم العجينة تاعي ونغطيها ونخليها تختمر ويعد مااختمرت نحطها على سطح العمل نرشو بالفرينة ونقسمو العجينة الى 7كرات ونبدا نحل كل كرة كيما فالصورة ونلفها ونشكلها شكل خبزة صغيرة

نكمل كامل العجينة تاعي ونحطها في سينية فرن مدهونة بالزيت ومرشوشة بالفرينة ونخليها تعاود تختمر مرة اخرى

بعد الاختمار نشعل الفرن يسخن وندهن حيات الساندويتشات بصفار البيض مع الحليب وندخلهم يطيبو من تحت ثم نشعللهم من فوق يتحمرو ونطفي النار ونخرجهم ونغطيهم بطرشونة

بعد مابرود نحط كمية من الصلصة فالاول ثم البطاطا المقلية ثم كمية من اللحم المفروم

ثم نحط كمية من الجبن الكريمي من فوق ثم جبن مبشور ونغلق الحبة تاعي

الشكل لي تحصلت عليه فالاخير الشكل الاخير الساندويتشات تاعي جاو بزاااف خفاف وطعم هايل