نبدا بسم الله ونجيب نصف صدر دجاج نغسلو مليح ثم نقطعو الى شرائح طوليا ونحط. في ريسبسيون

نضيف عليه 2م ك خل وملح وفلفل اسود وكركم وراس الحانوت وم ص عكري حلو ونخلط الكل مليح ونغطي عليه بورق شفاف ونحطو فالثلاجة مدو نصف ساعة ونوجد بعد ذلك حبة بصل صغيرة نقطعها مربعات صغيرة وحبة جزر نقطعها كذلك

ثم ننقطع كاس ارز بسمتي فالماء بعد ماشللتو مليح ونخليه لوقت التحضير نجيب مقلاة نحط فيها م ك زيت ونحطها تسخن عالنار ونحط الدجاج تاعي نقلبو مليح ونقليه

نضيف عليه البصل والجزر ونضيف الملح وسنات ثوم مرحيين ونقلي مليح

بعد ذلك نجيب نصف كاس شعيرية نحط في صحن ونجيب طنجرة نحطها عالنار ونحط فيها م ك زبدة نذوبها ثم نضيف الشعيرية تتحمص مليح ثم نفرغ عليها الأرز تاعي ونحمصهم مليح ثم نغطيهم ب2كاس ماء ونخليهم يطيبو

بعد ماطابلي دجاج والخضار مليح نحط م ص طماطم مصبرة ونقليها مليح ونمرق بكاء ماء حتى نتحصل على صوص مليحة نحط فيها الأرز والشعيرية بعد ماطابو ونخلط مليح و نخليهم يتشربو المرق

فالاخير نطفي النار ونقدمها في صحن التقديم ونزينها بمعدنوس مقطع نتمنا تجربوه طبق بزااااف بنين وساهل يوالم السخانة هذي