نبدا بسم الله ونجيب طنجرة نحط فيها قطع دجاج ونحط بصل وثوم محيين ونحط عليهم الحمص والملح والزنجبيل والعكري حلو وراس الحانوت والفلفل الاسود ونضيف م ك زيت ونحط الطنجرة عالنار تتقلى على نار هادئة

بعد ماقليت مليح وذبالي البصل نضيف الطماطم المصبرة ونقلي الكل جيدا ثم نضيف فالاول قليل من الماء

بعد ماتقلى الكل مليح نضيف الماء ونغلق الطنجرة ونخلي المرق يطيب ونجيب كسرونة واسعة نحط فيها كمية من الماء نحط فيه ملح وم ص كركم ونحطو عالنار كي يغلي نضيفلو كاس وربع ارز غسلتو من قبل ونخليه يطيب ثم نصفيه ونخليه في كسكاس

بعد ماطاب المرق نطفي عليه النار وفي نفس الكسرونة الواسعة نفرغ الأرز ونضيف عليه كمية المرق وكمية الحمص ونجيب قطعة من الدجاج نقتتها فيه ونحطو عالنار يتحمر مليح ثم نضيفلو م ك زبدة و2م ك جبن طري ونخليه عالنار حتى يتشرب كامل المرق ونطفي النار

فالاخير نجيب مول يدخل الفرن نفرغ فيه خليط الأرز واللحم ونزينو بالحمص المتبقي وقطعة دجاج وفلفل حار ونجيب جبن مبشور نرش بيه الأرز انا ماكانش متوفر عندي حطيت كمية من الجبن الطري على سطح الأرز ونشعل الفرن وندخلو يطيب من تحت ثم نشعلو يتحمر اللحم من فوق ونخرجو

فالاخير شكل قراتان الأرز فالفرن بالدجاج جاء بزاف بنين والجبن عطاه طعم هايل