نبدا بسم الله ونحط حبة بطاطا كبيرة في كسرونة نعمرها ماء ونحطها عالنار نضيفلها قليل من الملح ونحطها تغلي حتى تطيب ثم نوجد حبة بصل وحبة طماطم

نقطع البصل الى شرائح ثم الطماطم الى مربعات صغيرة ثم الخيار

بعد ماطابت البطاطا نقشرها ونقطعها مربعات كبار ثم نجيب كسرونة نحط فيها البطاطا ثم الطماطم والبصل و الخيار

نخلط كل الخضار مع بعض ونوجد صلصلة لي نحطها عليها يكون فيها خل ابيض مع ملح والقليل من الفلفل الاسود ونحط حبات زيتون اسود أو أخضر ونحط بيض نكون نغلي من قبل نقشرو ونقطعو ونضيفو من فوق

فالاخير نجيب صحن تقديم ونحط فيه سلطة البطاطا وجية صيفية بامتياز