نبدا بسم الله ونجيب حبة خوخ او نكتارين نقطهها الى شرائح رقاق ثم نحط على نار كسرونة فيها كاس سكر

نخليها تذوب حتى ترجع كرميل ونضيفلو 3م ك ماء ونخلط مليح ثم نطفي النار نجيب سينية فرن ندهنها بالزبدة ونحط فيها الخوخ كيما فالصورة ونفرغ عليه الكراميل تاعي

نجيب ريسبسيون نحط فيه 2حبات بيض مع رشة ملح ونصف كاس سكر ونخلط مليح ثم نضيف نصف كاس زيت ونواصل الخلط ونحط نصف كاس حليب وم ك فانيلا نخلطها مليح

نبدا نجيب صفاية ونحط فيها كاس فرينة وكيس خميرة الحلوى ونغربلو حتى يهبط فالخليط

نخلط الخليط مليح ثم نفرغو مباشرة فوق الخوخ والصلصة

نشعل الفرن يسخن ونحطها تطيب من تحت ثم نشعل لها تتحمر من فوق ونخرجها من الفرن ونقلبها

فالاخير شكل الكيكة تاعي جاء بزاف بنينة و خفيفة توالم قهوة العصر