نبد بسم الله ونجيب كسرونة نحط فيها 3م ك سكر و2نشاء و2كاكاو ونضيف عليهم نصف لتر حليب ونخلط بارد في بارد ونحطها عالنار حتى تبدا تثقال ونضيفلها 50غ شوكولاطة سوداء ونخلط حتى تذوب

نجيب ليفرين تاعي نحط فيها 2حبات بسكويت مفتت خشن ثم نفرغ كمية من الكريمة في كل واحدة الكريمة عطاتني 3فرين ندخلهم فالثلاجة يجمدو

ثم نجيب كسرونة نحط فيها 100غ شكولاتة سوداء ونضيف عليهم علبة شكولا دانيت وم ك كاكاو ونحطها على نار قليلة حتى تذوب

نفرغ الخليط في صحن ونخليه يدفا ثم نضيف عليه 5م ك كرام شانتي وربع كاس حليب ونخفق بالخلاط الكهربائي حتى نتحصل على كريمة ثقيلة

بعد ماطلعت الشانتي مليح ندخلها الثلاجة مدة 10د ونخرجها هيا ولفيرين

نجيب ادوي لي فالصورة ونحطها في كيس حلواني ونفرغ كمية من الكريمة فيه ونشكل وردات في كل فيري

فالاخير شكل التحلية تاعي جات بزاف بنينة و خفيفة خصوصا الطبقة الاخيرة كأنها موس شكولاتة وندخلها الثلاجة لجين التقديم