نبدأ بسم الله ونجيب ريسبسيون نحط فيها ا 3بيض ورشة ملح وكاس الا ربع سكر ونخفق مليح ثم نوجد الكيسان الورقية في صينية الفرن

بعد ماخلطت السكر مليح نحط ما ك شوكولاتة الطلي ونخلط جيداً ثم نضيف نصف كاس زيت على دفعات ونواصل الخلط ثم نضيف كاس حليب ونواصل الخلط

بعد ماخلطت كلشي مليح نضيف ما ك كاكاو وكاس فرينة و15غ خميرة الحلوى ونخلط بالخلاط مليح ثم نكمل الكاس الثاني ونخلط مليح

بعد ما نخلطو كلشي مليح نغطي عليه مدة ربع سا ثم نفرغ حوالى ما ك ونصف في كل كيسات ورقية

حتى نكمل كامل الكيسات ونجيب نوعين من الشوكولا بيضاء والاخرى ذوق كراميل ونحط كمية في كل كيسات ونشعل الفرن مسبقا يسخن وندخل الصينية الاولى تطيب اي تستوي من تحت حتى تنشف ونشعللها من فوق

نطيب كامل الكمية ونخرج الكيسات ونخلي المادلان يبرد تماما ويقدم مع فطور الصباح او قهوة العصر