نبدا بسم الله ونجيب مقلاة نحط بيها م ك زيت ونكون قطعت البصل الى مربعات صغيرة ونحطها فالمقلاة عالنار ونخليها تذبل تماما والثوم ونقطع الفلفل الحلو الى مربعات صغيرة والكوسة ايضا

بعد ماقطعت الفلفل والطماطم والكوسة نضبفهم على البصل ونحط عليهم ربع صدر دجاج مقطع ونحط م ص ملح وم ص عكري حلو وم ص فلفل اسود ونقلي الكل على نار هادئة حتى يطيب الحشو

بعد ذلك نحضر العجينة نجيب ريسبسيون نحط فيها كاس ونصف حليب دافئ نحط عليه ربع كاس زيت وم ك سكر وم ك خميرة الخبز ونخلط مليح حتى يندمج مع بعض

نبدا نضيف فالفرينة وم ص ملح حتى نتحصل على. عجينة طرية نوعا ما نغطيها بورق شفاف ونخليها تختمر ونطفي عالحشو بعد ماطاب

بعد مااختمرت العجينة نقسمها على اثنين ونرش طاولة العمل بالفرينة ونحل الكرة الاولى ونجيب سينية فرن ندهنها بالزبدة ونحل الكرة الاولى ونحطها فالسينية ثم نحط الحشو تاعي ونضيف عليه جبن طري ونعاود نحل الكرة الثانية ونحطها فوق الاولى ونغلقها مليح وندخل الحواف كيما فالصورة

نشكل خطوط باصابع اليد ونجيب حبة بيض نخلطها وندهن بيها الفطيرة تاعي ونزينها بسسينوج ونشعل الفرن يسخن وندخلها تطيب من تحت حتى تطيب ونشعل عليها تتحمر من فوق حتى تطيب ونخرجها ونخليها تبرد تماما

فالاخير نقطع الفطيرة تاعي الى مربعات ونقدمها في صحن التقديم كوجبة صيفية سهلة او مع حساء خضار