اول حاجه كده هنتبل البانيه بكل المكونات المكتوبة ونسيبه في الثلاجه

صلصة المكرونة بقى
هنضرب الطماطم في الخلاط ونصفيها

حلة على النار هنقطع البصلة صغير خالص او تفرمها في الكبة ونشوحها في زيت ومعاها الفلفل الحراق ونص الفلفلة الرومي ولما لون البصلة يصفر بسيط نحوط عليها الطماطم تتسبك وعليها نص ملعقة سكر صغيرة وملعقة صلصة طماطم جاهزة

هنحوط التوابل المكتوبة فوق على الصلصة ولما تتسبك كويس نضيف عليها المكرونة المسلوقة

طلعي البانية من الثلاجه وياريت لو عملاه من قبلها على الاقل بساعتين
المهم اكسري عليه بيضة

البقسماط حوطي عليه ملح وفلفل وبابريكا والسبع بهارات وشوية سمسم
قلبي البيضة كويس مع البانيه
و خوديه على البقسماط واضغطي عليه كويس عشان القشرة متفكش بعد القلي
بس كده واقليه وبالهنا والشفا