في كسرونة نحط كويس الدجاج يتقلى في شوية زيت و شوية مارغارين دير بنة هايلة نزيد عليه البصل مقطع لقطع رقيقة مع ثوم مفروم و نقطع الجزر لدوائر نخليهم يتقلاو على نار هادئة نزيد نصف مغرف طماطم انا زوجي ما يحبهاش صفرة يحبها حمرة و كل واحد كيفاش يبغيها نخليهم يتقلاو مليح نحط شوية ماء قد فنجان برك باش نزيد ليزيبيس ما نحبش نقليهم ديركت نحط الفلفل الاسود و راس الحانوت و شوية كركم و مكعب مرق دجاج

نروحو للجلبانة نغلوها باش يدخلها شوية طياب و يروحولها ليغاز كي نشوفو دجاج نتاعنا طاب شوية ندير جلبانة و نخلوهم يزيدو يطيبو حتى تعقد مرقة و نقلي البطاطا و شهية طيبة