نبدأ بسم الله ونجيب حبة بصل نقصها مربعات صغيرة وحبة كوسة كذلك ثم نجيب مقلاة نحط فيها ما ك زيت ونحطها على النار ثم نحط البصل ونخليه يذبل ونقص عليه النار

نجيب حبة بطاطا نقطعها مربعات ونحطها في كسرونة مع ما ص ملح ونحط فيها الماء ونحطها تغلي على النار حتى تطيب اي تستوي ثم نضيف الكوسة والفلفل الحار الى المقلاة ونخليهم يتقلاو مليح

بعد ذلك نرحي الطماطم ونضيفها لخليط البصل بعد ماذبل تماما ونحط ما ك طماطم مصبرة وفلفل اسود وعكري حلو وسنات ثوم مرحيين ونقلي مليح

نحط البطاطا على النار تغلي ثم نضيف كاس ماء في المقلاة حتى يغلي ثم نصفي البطاطا بعد ماطابت ونحطها في صحن

نضيف البطاطا المغلية في المقلاة بالطماطم ونخليها تتشرب الطماطم ثم نحط كمية مليحة من الجبن الطري

نجيب فالاخير 2حبات بيض نحطهم في صحن نضيف عليهم رشة ملح ورضة فلفل اسود ونخفقهم مليح ثم نضيفهم مباشرة في المقلاة ثم نحط 2غلب تونة طماطم وننحط كمية مليحة من جبن موزاريلا ونغطي حتى يذوب الجبن والبييض يطيب تماما

فالاخير نطفي النار ونجيب صحن التقديم نحط فيه العشاء ونزينو بمعدنوس مقطع جات بزاف بنينة نتمنا تجربوها