نبدا بسم الله ونجيب حبة بصل وفلفل نظفهم مليح ثم نقطع البصل الى قطع رقيقة والفلفل ونجيب مقلاة نحط فيها القليل من الزيت ثم نحط البصل والفلفل الحلو وسنات ثوم

ثانيا نقطع الطماطم قطع رقيقة ثم نضيفها ونحط ملح وفلفل اسود وم ص عكري حار ونخلط الكل ثم نحط م ص طماطم مصبرة ونقلي مليح ونقص النار ونغطي ونخليهم يطيبو مليح

بعد ذلك نحضر. العجينة نجيب ريسبسيون نحط فيه نصف كاس حليب دافئ ونصف كاس ماء دافئ ونحط عليهم م ك سكر وم ك خميرة الخبز ونخلط مليح ثم نحط نصف كاس زيت وبياض بيضة ونخلط مليح

نبدا نضيف فالفرينة وم ص ملح ونلم حتى نتحصل على عجينة طرية ثم نطل عالحشو ونطفي عليه النار بعد ماطابلي تماما ونغطي العجينة ونخليها تختمر

بعد ما اختمرت العجينة نوجد الحشو وببقايا الدجاج نرحيه فالاشوار وزيتون اخضر نقطعو شرائح ونهبط الخمور العجينة تاعي

نقسم العجينة على 2كرات نفطي وحدة والاخرى نخدم بيها مباشرة نرش طاولة العمل بالفرينة ونحل الكرة الاولى مليح ثم نجيب سينة فرن كبيرة تكون دائرية الشكل ندهنها بالزيت

نحط الكرة الاولى فوق السينية ثم نحط فالنصف الاول الحشو ثم بقايا الدجاج المرحي وشرايح الزيتون الاخضر

ثم نحط كمية مليحة من الموزاريلا ونغلق العجينة كما فالصورة ونشكل بيدي حواف الحبة تاع السفلي

نرجع نحل الكرة الثانية بنفس الطريقة الاولى ونهزها بالحلال ونحطها فوق السينية كما فالصورة ونحط الحشو بنفس الطريقة ونغلق كما فالصورة راح نتحصل على 2حبات سوفلي كانهم فطيرة

نشكل بسكين مثلثات وندهنهم بصفار بيض ونزين كل حبة بزيتون سوداء ونشعل الفرن يسخن ونحط السوفلي يطيب في نفس السينية لي خدمتهم عليها ثم نشعل عليه من فوق يتحمر مليح ونخرجهم

فالاخير نقسم حبات السوفلي العملاق إلى مثلثات ونقدمهم مع حساء او شربة. نتمنا تجربوهم جاء بزاف بنين وهشيشين