نبدأ بسم الله ونجيب حفنة نحط فيها 5كاس فرينة ونعمل حفرة في الوسط ونحط حبة بيض وكاس مملوء مليح زبدة ذايبة وباردة ووم ص فانيلا ونبسس مليح

ثم نجيب كاس نعمرو نضيف ماء زهر والنصف الباقي ماء ونبلل العجينة تاعي حتى نتحصل على عجينة نلمها

نجيب كيس بلاستيك غذائية نحط فيه العجينة ونخليها ترتاح حوالى 2سا او اكثر ثم نجيب الكاكاو تاعي بعد ماحمصتو في الفرن ونقشرو

بعد ذلك نرحيه فالروبو ونحضر الحشو تاع البقلاوة نحط 5كاس كاوكاو (فول سوداني) محمص ومرحي في رسبيون ونضيف ما ص فانيلا وكاس الاربع سكر عادي ونخلط مليح ثم نعلمو بنصف كاس ماء زهر

بعد مالميت الحشو نغطيه ونخليه على جنب بعد مافاتت الوقت نجيب عجينة البقلاوة ونحطها على سطح العمل ونقطعها الى 11قطعة نشكلهم كرات ونخليهم في الكيس مجددا

بعد ذلك نجيب سينة فرن طولها 30سم وعرضها 25سم ندهنها بالزبدة مليح ونجيب الكرة الاولى نرش سطح العمل بالنشاءونحلها رقيقة

نحط 2كرات عجينة فوق بعض ونحلهم مليح بالنشاء حتى يرجعو رقاق

نفصل العجينة الاولى عن الثانية ونحط الاولى فالسينية ونسويها مليح ثم نجيب كسرونة نكون ذوبت فيها زبدة وندهن الورقة الاول مليح

وهكا نكمل بنفس الطريقة حتى نكمل 6كرات الاولى وندهن بين كل طبقة بطبقة بالزبدة العائلة ثم نجيب الحشو تاعي ونفرغ فوق العجينة 6ونسويه مليح باليد

نرجع نحل الخمس كرات المتبقية بنفس الطريقة ونحط الطبقة ونغطي الحشو وحتى نكمل 5كرات ثم نجيب الحلال ونقطع العجينة الزايدة ثم نجيب طابع مربع ونشكل في العجينة ثم نجيب سكين ونقطع كنا في الصورة حتى نكمل كامل الحبات

نجيب طابع الصدقة ونشكل صدفات ونحط فوق كل حبة بقلاوة ثم نجيب حبات لوز ونرشق في كل حبة حبة لوز ثم نجيب زبدة ذايبة وندهن من فوق مليح ثم نخليها ليلة كاملة وغدوة نطيبها

بعد مرور ليلة كاملة نشعل الصباح الفرن علىى درجة غالية كي يسخن مليح نحط البقلاوة تاعي انا نخليها ساعة الاربع كي طلبت من تحت نهبطها لرف الأسفل ونشعللها من فوق تطيب اي تستوي وتتحمر مليح ثم نخرجها ونجيب العسيلة تاعي 3كاس ونصف عسيلو مع 6م ك ماء زهر ونسقي البقلاوة تاعي ونخليها ليلة كاملة تتشرب مليحة ولغدوة نقطعها

فالاخير نقوم بتقطيع البقلاوة بسكين ونحطها في كيسات خاصة بالبقلاوة