نبدأ بسم الله ونجيب طنجرة نحط فيها قطع دجاج ووحبة بصل مرحية مع سنات ثوم ونحط كمشة من الحمص المشمخ وم ص ملح وم ص فلفل اسود وم ص زنجبيل وم ص عكري حلو وم ك زيت ونحطها على النار تتقلى مليح ثم نوجد الخضار تاعي نغسلها مليح ونقطعها ونضيفها لطنجرة تتقلى

ثم نقطع حبة البطاطا ونحط كمية من الفول ونقلي مليح ونحط ما ك طماطم مصبرة نقلي كلشي مليح

نمرق الطنجرة تاعي بالماء ونخليها تطيب اي تستوي ثم نجيب كمية من الكسكس يابس نشوف من قبل في كمية من الماء ونخليه حتى يجف تماما ونحلو مليح ثم نجيب قدر بالكسكاس تاعو نحط بالقدر الماء ونحطو على النار يغلي ونحط الكسكس تاعي فالكسكاس ونخليه يفور مليح

نفرغ الكسكس تاعي بعد مافار فالقصعة ونحط عليه كمية من الماء ونحلو مليح ونخليه ينشف

بعد ما جف الكسكس مليح نرجعو فالكسكاس يفور مرة أخرى ونبقا بنفس طريقة 3مرات حتى يطرا مليح

نحب الكسكس تاعي ببرد مليح ثم نفتح عالطنجرة تاعي ونحط حبة فلفل حار ثم نحط لتر حليب يطيب في كسرونة حتى يفيض ثم نضيفو عالمرق ونطفي نار مباشرة

بعد ذلك نجيب صحن تقديم نحط فيه كمية من الكسكس ثم نحط الخضار تاعي كما في الصورة وقطع الدجاج

فالاخير نحط كمية مليحة من المرق والف صحة وعافية جاء بنين بزاف