نبدأ بسم الله ونجيب نصف صدر دجاج مرحي نحط عليه معدنوس مقطع وراس الحانوت وفلفل اسود وزنجبيل وم ص ملح ثم نضيف حبة بيض ومن جهة اخرى نجيب طنجرة نحط فيها قطع دجاج نحط عليهم بصل وثوم مرحيين وملخ ومعدنوس وكركم وزنجبيل وفلفل اسود وم ك زيت وملعقة صغيرة ملح ونحطها على النار ثم نقليه مليح ونحط عليه زيتون اخضر وحبة جزر مقطعة دوائر ونقليهم مليح

بعد ماتقلى المرق مليح نمرق ونغلق ونخليه يطيب ثم نرجع لنصف صدر دجاج نقسمو على 2نصف نشكلو حربوش نجيب ورق شفاف ونحل عليه اللحم ثم نجيب 2حبات جبن مثلثات نقطعهم ونحطهم على جنب ونشكلو حربوش نغلق عليه مليح

باقي اللحم لي خليتو نشكلو صبيعات ونجيب مقلاة نحط فيها ملاعق من الزيت ونحط الصبيعات يتحمرو

نحمر الصبيعات تاعي من كل الجوانب ثم نحل االطنجرة ونضيف الصبيعات يكملو طياب

بعد ذلك نحط الحربوش تاعي يفور في كسكاس ثم نحطو مباشرة في الطنجرة ونغلق ونخليهم يطيبو وبعد مايطيب نحيلو الورق الشفاف ونخليه يكمل طياب ثم نخرجو ونخليه يبرد حتى نحمرو في الزيت

نجيب نفس المقلاة ونقلي فيها الرولي تاعي هو وقطع الدجاج ونحط فلفل حار فالمرق ونطفي النار وبعد ماتحمرو نحطهم في صحن لحين التقديم

بعد ذلك نجيب لوح تقطيع ونجيب سكين منشاري نقطعهم كما في الصورة ونجيب صحن التقديم ونحط كل 3حبات رولي على جنب الصحن ثم نسخن المرق تاعي ونحط صبيعات الكفتة فالجوانب وفالوسط نحط الزيتون والجزر وكمية مليحة من المرق ونحط اللحم المحمر على جنب وفلفل حار

شكل الطاولة تاعي قدمت مع كسرة مطلوع وعصير الفراولة وسلطة الشمندر وكان هذا عشايا ليلة المولد النبوي الشريف