نبدأ بسم الله ونجيب ريسبسيون نحط فيها 3بيض مع رشة ملح وكاس سكر ونخفق مليح حتى يبياض الخليط ثم نضيف كاس زيت تدريجيا ونواصل الخلط ثم نضيف كاس الا ربع نشاء مغربل

نخلط مليح النشاء ثم نضيف الفرينة بالكاس مع 2كيس خميرة الحلوى ثم نجيب ريسبسيون اخرى نقص فيها كمية من الخليط نضيفلو 2 ملعقة ك كاكاو ونخلط ونضيفلو فرينة اذا لقيتو مازال طري ونرجع العجينة البيضاء كذلك نزيدلها الفرينة حتى نتحصل على عجينة طرية والعجينة البنية نغلفها بورق شفاف ونحطها فالمجمد

نجيب صينية فرن نحط فيها ورق طهي ونحل العجينة البيضاء مليح على حجم الصينية ثم نجيب حوالى 4م ك معجون العنب ونطلي كامل العجينة ثم نجيب العجينة السوداء ونبرشها بمبرشة خشينة فوق المعجون

بعد ذلك نجيب علبة شوكولاته بالحليب نقطعها قطع صغيرة ونحطها فوق العجينة ونشعل الفرن يسخن وندخل الحلوى تطيب اي تستوي من تحت حتى تنشف مليح وتتحمر ثم نشعل لها من فوق تطيب اي تستوي كذلك ونخرجها ونخليها تبرد ونقطعها الى مربعات

فالاخير شكل حلوى المبروشة بذوق العنب والشكولا جات بزاف بنينة وتناغم كبير بين مربى العنب والشكولاتة بالحليب