نبدأ بسم الله ونجيب ريسبسيون نحط فيه 2بيض مع رشة ملح وكاس سكر ونخلط بالباتور ثم نضيف نصف كاس زيت ونخلط مليح

نضيف كاس حليب ونخلط مليح ثم نحط 2م ك كاكاو بني ونخلط مليح

ثم نضيف ما ك شوكولاته الطلي ونخلط جيداً ثم نضيف 2كاس فرينة وكيس خميرة الحلوى ونخلط مليح ثم نجيب مول ندهنو بالزبدة مليح ونرشو بالفرينة ثم نفرغو في المول ونسويه مليح

نشعل الفرن يسخن ونحط الموسكوتشو يطيب من تحت ثم نشعلو من فوق حتى يتحمر ونخرجو مباشرة ونقلبو في صحن التقديم

بعد ذلك نحضر الصوص نجيب كسرونة نحط فيها نصف كاس حليب مع2م ك سكر وم ك كاكاو بني وم ك فرينة ونخلطها بارد في بارد ثم نحطها فوق النار حتى تثقل نطفي النار ونضيفلها 2م ك شوكولاته الطلي و3حبات شوكولاته بالحليب ونخلط مليح ونصبها مباشرة فوق الكيك كيما اي مثل في الصورة ونخليها تنشف قليلا ونزينها بلوز ايفيلي محمص

فالاخير نزينها بشريط ابيض وشريط وردي الزينة فقط ونقدمها