نبدا بسم الله ونجيب ريسبسيون نحط فيها 250غ زبدة ونحط م ك فانيلا وكاس ناقص إصبع سكر. ناعم ونصف كاس سكر عادي ونخلط مليح بالخلاط الكهربائي ثم نضيف نصف كاس زيت تدريجيا على شكل خيط

ونبقا ونخلط مليح ثم نضيف حبات البيض كاملة بالواحدة ونخلط مليح حتى نتحصل على خليط كريمي ثم نحط كاس نشاء وكيس خميرة الحلوى ونخلط

نبدا نضيف فالفرينة بالكاس ونلم انا هزيت معايا 5كاس فرينة وكل واحد نوع الفرينة تاعو نلم العجينة مليح ونقص منها كمية كما فالصورة ونغطيها بورق شفاف ونحطها فالمجمد

نقسم العجينة الباقي الى 7كرات متساوية ثم نجيب صحن نحط فيه كمية من المعجون وم ك كاكاو بني ونخلطهم مليح

نجيب ورق طهي نرشو بالقليل من الفرينة ونحل الكرة الاولى بالحلال على مقياس السينية تاعي ونشكلها مليح بالكوبات ثم نجيب بانسو ونطلي العجينة بالمعجون والكاوكاو ونلف بالورق حتى نتحصل على حربوش

نجيب سينية فرن نحط فيها ورق الكتب ونحط الحربوش الاول ونبقا نعاود بنفس الطريقة حتى نكمل الكرات السبعة كما فالصورة

بعد ذلك نطلي سطح الحلوى بكمية المعجون لي بقاتلي ونجيب كرة العجينة لي حطيتها فالمجمد ومبشرة ونبرش كامل العجينة على سطح المعجون حتى نغطيها كامل ثم نرش عليها م ك من اللوز محمص ومرحي رقيق كمية من الجلجلان الابيض ونشعل الفرن يسخن ثم ندخل الحلوى تاعي تطيب من تحت ثم نشعل عليها من فوق تأخذ لون ذهبي ونخرجها ونطليها بمعجون المشمس و نخليها تبرد تماما

فالاخير نقطع الحلوى تاعي الى مربعات ونحطها فالكسيات الورقية

الشكل النهائي الحلوى تاعي جات تذوب فالفم نتمنا تجربوها