نبدا بسم الله ونغسل الفواكه تاعي مليح ثم نجيب أولا كسرونة نحط فيها نصف لتر حليب وم ك نشاء وعلبة فلان ذوق فانيلا نخلط بارد في بارد ثم نوجد الكؤوس لي راح نقدم فيه سلطة الفواكه

نحط كمية من توبينغ الفراولة في أسفل الكأس ثم نحط خليط الفلان على النار حتى يثقال الخليط ونطفي النار نحط شرائح من الفراولة في جنب الكأس ثم نفرغ كمية من االفلان ونحطها فالثلاجة حتى تتماسك طبقة الافلام

بعد ذلك نرجع نقطع الفاكهة تاعي الى مربعات صغيرة ثم نحطهم في صحن ونرجع نحضر الشاربات لي راح نحط فيها الفاكهة نجيب كسرونة نحط نصف كاس سكر وكاس ماء ونخلط مليح ونحطها عالنار

نضيف شريحة ليمون ونحسب ربع ساعة بعد الغليان ونطفي النار و نخليها تبرد قليلا ثم نفرغها عالفاكهة ونخلطها مليح ثم ندخلهم الثلاجة يبردو كذلك

بعد جمدت طبقة الفلان نخرجها من الثلاجة ونحط كمية من الفواكه بالشاربات

فالاخير نزينها بقطع من العنب الاحمر جات سلطة فواكه هايلة حطيت فيها تقريبا كل الفاكهة الحمراء نتمنا تجربوها تصلح تتقدم فالمتاسبات