نبدأ بسم الله ونجيب نصف حبة بصل نقطعها مربعات صغار ثم نقطع البطاطا الى مربعات ثم نجيب مقلاة ونحط فيها ما ك زيت ونحط البصل يتقلا على نهار هادئة

بعد ماذبل البصل مليح نحط البطاطا في المقلاة ونقص النار ونخلي البطاطا تتقلى دون زيت تقريبا ثم نحط ما ص ملح ونخليها تطيب اي تستوي

بعد ذلك نجيب حبة طماطم مرحية ونحط في المقلاة ونخلطها مع البطاطا ونحط سنات ثوم مرحيين وفلفل اسود وعكري حلو وراس الحانوت ونقلي مليح ثم نحط ما ص طماطم مصبرة نخلطهم مليح

نضيف كاس ماء ونخلي الكل يطيب حتى تنشف تقريبا ونحط جبن طري ثم جبن مبشور ونغطيها ونخلي الجبن يذوب

بعد ذلك نجيب حبة بيض نخلطها مليح ونصبها فوق البطاطا ونغطي ونخلي البيض يطيب ثم نطفي النار

نجيب صحن تقديم ونحط الڨراتان ونزينو بمعدنوس مقطع وصفة سهلة وبنينة في نفس الوقت دون زيوت