نبدأ بسم الله ونقطع صدر الدجاج الى مربعات ثم نرحيه فالاشوار ونحط عليه معدنوس مقطع وملح وفلفل اسود وزنجبيل وعكري حلو وحبة بيض ونخلط الكل مليح

نجيب طنجرة نحط فيها قطع اللحم ونضيف عليها البصل والثوم مرحيين ثم نحط ملح وكركم وزنجبيل وفلفل اسود وم ك زيت ثم نجيب كمية من اللحم تاعي نشكلها على شكل رولي فوق ورق شفاف نحط كمية من اللحم ونشكلو مستطيل ثم نحط كمية جبنة بيضاء وقطع من زيتون اخضر شرائح ونشكلو حربوش ونغلقو مليح

نحط الطنجرة فوق النار ونقلي مليح ونحط حبة جزر وكمية من الحمص ونقلي مليح ثم نشكل باقي اللحم الى كرات كفتة محشية بالجبن

نمرق الطنجرة ونضيف حبات الكفتة وحربوش الرولي بعد ما حطيتو فالكسكاس تماسك شوي نمرق ونغلق الطنجرة ونخلي اللحم يطيب مليح ثم نفتح الطنجرة ونخرج الرولي تاعي ونقليه مباشرة في مقلاة بيها قليل من الزيت حتى يتحمر من الجوانب ونطفي النار ونحطو يبرد فوق لوح تقطيع ثم نقطعو الى شرائح

بعد ماطفيت عالمرق نجيب صحن التقديم ونحط شرائح الرولي على جنب ثم نحط حبات الكفتة المحشية مع الحمص والجزر وكمية من المرق ونزينو بفلفل حار ومعدنوس مقطع رقيق

الشكل النهائي لطبق تاعي